بعد ضرب متحرش في شارع .. ضمن قصة “صافي ترك” .. التفاصيل كاملة

اجتماعي - مطبات 

أحدثت فتاة مصرية تدعى “صافي ترك” ضجة عبر وسائل التواصل الاجتماعي، بعد ضرب متحرش بها في الشارع.

وخلال مداخلة هاتفية عبر قناة “الحدث اليوم”، إنها لقنت المتحرش درساً بعد تعديه عليها، وخصوصاً إنها تلعب الملاكمة، وكانت تمشي في الشارع ولكن أحد المارة وصف جسدها بطريقة مخلة للآداب العامة” بحسب ما نقلته.

وأضافت “صافي ترك” حديثها : “تكلم عن جسمي بطريقة مش محترمة، لفيت وقلت له بتقول إيه يا ابن (…)، لقيته بيجري، جريت وراه وقعدت أصرخ وأقول حرامي”.

وتابعت صافي : “الناس أول ما سمعوا كلمة حرامي، أتجمعوا حوليه وضربوه، وانا ضربته معاهم، وقعد يحلف، قلما قالولي سرق منك إيه، قلت لهم مسرقش ولكن اتحرش بيا، وده قلته في الآخر، لأنى لو قلت كده من البداية كان هيسيبوه وده اللي حصل”.

وأكدت : “كسرت له سنتين من أسنانه بعد ما ضربتو بالبوكس في وشو”.

وأكلمت : “أنصح كل البنات إنهم ميخافوش لأن المتحرش إنسان جبان، هو أجبن شخص على كوكب الأرض، لأنه بيبقي خايف وبيبص حواليه يمين وشمال، لأنه عارف نفسه بيعمل غلط، وبقول لكل بنت متخافيش وجيبي حقك بإيدك، لأنك لو استنيتي حد يجيبلك حقك محدش حيدور عليكي، انتي الوحيدة اللي تقدري تدافعي عن نفسك”.

وأحدثت قضية التحرش ضجة كبيرة على مواقع التواصل الاجتماعي في مصر في الأيام الأخيرة، وخاصة بعد ظهور فيديو هتك عرض “طفلة المعادي“.