من جديد، ظهرت الإعلامية المصرية ياسمين عز، الشهيرة بإثارة الجدل من وقت لآخر، وهي تهاجم عارضة الأزياء جورجينا، صديقة النجم البرتغالي كريستيانو رونالدو، وذل بعد إهدائها سيارة رولز رويس بمناسبة عيد ميلاده في الأيام الماضية.
جدول المحتويات
ياسمين عز تهاجم جورجينا بسبب إهدائها سيارة لـ كريستيانو
وقالت ياسمين عز: “ليه جورجينا مش عايزة تتعلم إنها تداري على شمعتها إيه لازمة الشو؟ بقول لها إنتي عايزة تحرجي جوزك يعني؟ وجايبة له عربية غالية وهو مش معبرك ولا عايز يتجوزك؟ وكريستيانو مش سهل ودماغه توزن بلد وفي الآخر الهدايا دي كلها من فلوسه”.
نجيب ساويرس يتهم 6 إعلاميين بـ التطبيل.. وردود صادمة منهم | خناقة شوارع
واضافت ياسمين عز، خلال برنامجها ” كلام الناس” المُذاع عبر فضائية إم بي سي مصر: ” مش بعيد بعد كام يوم هيقلل مصروف البيت لأنه عرف إنها بتخنصر من وراه لدرجة إنها تحوش وتجيب له عربية زي دي”، واكملت: ” هو كان سايب لها فلوس لمصاريف العيال واسترخصت وجابت لهم أي لبس وجابت عربية ومش مهم لبس العيد، وأنا مش عايزة جورجينا تزعل من كلامي وأنا في صف أي ست بس قبلها في صف الراجل كلنا عارفين دا”.
ياسمين عز تنصح جورجينا
ونصحت ياسمين جورجينا، فقالت: “يا جورجينا إنتي غلطتي غلطات كارثية وإحنا بنحاول معاه عشان يتجوزك وإنتي مفيش فايدة وقلنا مليون مرة لازم تقفي انتباه لـ جوزك ومينفعش تدي له ضهرك، وتجري على العربية الجديدة كإنك عمرك مشفتي عربيات مع إنه مركبك عربيات فضائية، تاني كارثة كان فيه بنت واقفة ورا وكان ممكن تخطفه منك وتصبه نظرة إعجاب.
وتابعت المذيعة المصرية، موجهة حديثها لـ عارضة الأزياء جورجينا: “كفاية عروض أزياء وخلي بالك من بناتك ليه ملبساهم واسع كده ومش مهتمة بمظرهم ولا شعرهم؟ مش بتغيري من أنتونيلا زوجة ميسي؟ ومش هقولك ارقصي لجوزك بس خليكي ست بيت عشان يتجوزك دا أنا الأطفال صعبانين عليا، مع إن كريستيانو خلاكي مليونيرة بعد ما كنتي بياعة شنط، بس استخدمتي الصوت والنظرة الشتوية ووقعتيه”.
كما قدمت نصيحتها للنساء المصريات، فقالت، إنها حزينة على الرجل المصري: ” ليه مش بنجيب له هدايا زي جورجينا؟.. أرجوكي اهتمي بيه وجيبي له هدايا بدون مناسبة، لأن بتوع بره مش أحسن مننا”.
