مطبات
تصدرت طالبة من كلية تربية رياضية جامعة أسيوط الترند على وسائل التواصل الاجتماعي واكتسحت صفحات السوشيال ميديا بقوة، لما تعرضت له من هجوم بعد انتشار فيديو لها وهي ترقص في حفل التخرج الخاص بدفعتها، بثوب وقبعة الاحتفال المتعارف عليها.
سمر عنتر في حفل تخرجها
وظهرت الفتاة التي تدعى سمر عنتر برقصة في مقطع فيديو على صفحتها الشخصية بمنصة فيسبوك لترد على الهجوم الذي تعرضت له على إثر انتشار الفيديو، والذي اعتبرته أنه كان مجرد طريقة للتعبير عن فرحتها بالتخرج في وجود عائلتها وأصدقائها، ولم تتوقع أن يصل الأمر لهذا الحد، مضيفة: أنا مش طالعة أبرر بس دي كانت حفلة تخرجي، وأنا طلعت رقصت عادي مفيهوش حاجة ملفتة، ما فيه ناس بترقص في الفرح هل الفرح يفرق عن حفلة التخرج؟
وتابعت: أنا فرحتي كانت فرحة عادي ومكنتش بعمل كده عشان أطلع ترند والكلام الفاضي ده، أنا كان حواليا أصحابي وأهلي وحبايبي، لكن الناس استغلت ده عشان يشهروا بيا، أنا طلعت رديت من بشاعة الكلام، أهلي عارفني كويس أوي وهما عارفين بنتهم بتعمل إيه مفيش حاجة في الخفاء، وإخواتي رجالة يسدوا عين الشمس ومش بعمل حاجة من وراهم خالص.
واختتمت سمر حديثها بتحذير لكل من أساء إليها أو أساء لجامعتها ومعلميها، وتوعدت باتخاذ الإجراءات القانونية اللازمة، فتقول: أنا بتشرف بالكلية بتاعتي ودكاترتي بأي حق تغلطوا فيهم، أنا هاخد إجراءات قانونية ضد أي حد شهر بيا، والناس اللي فجأة عملوا شيوخ وحكموا عليا مش إنتو اللي هتقولولي الحرام والحلال إيه، كل شخص يركز في حياته وكفاية كلام بالباطل، وأنا خصيمة أي حد اتكلم عن عرضي وشرفي.
فيديو ساخن…رقص واحتضان على مسرح قرطاج: معجبة راغب علامة تُشعل الأجواء في تونس
